Diktsamlinga Bjørkebokstavar handlar om kor fint det kan vere å ha si eiga bjørk, men også om eit veldig, veldig høgt ønske om å få ein hund. Gjennom blikket til eit barn skildrar Hilde Myklebust undring, glede og einsemd gjennom skiftande årstider på landet.
Samlinga er vakkert illustrert av Tone Lileng.
Eg heng
etter ei hand
frå ei grein
Kjenner vinden
bølgje i trekrona
Eg er ein kongle
eller ein knopp
Mor ropar frå trappa:
No kjem du deg ned!
Men ho veit då vel
like godt som meg
at dette er ei hengebjørk