Bokvennen Litterær Avis kom ut med det første nummeret sitt tidlegare i sommar. Den inneheld mellom anna meldingar av skes ungdomsbøker og ein lengre artikkel om forfattarskapen til Meg Rosoff, årets vinnar av ALMA-prisen. Av anna stoff frå og om barne- og ungdomsbokforfattarar er ein presentasjon av «Ting fra Lisa Aisato».
Det er Marius Emanuelsen som har skrive «En usympatisk lesning av en sympatisk norsk BU-litteratur anna 2016». Ungdomsbøkene han har tatt for seg, er Ingrid Ovedie Volden: Alt som teller, Gudrun Skretting: Anton og andre uhell, Lene Ask: Det hjelper ikke å blunke, Helene Guåker: Kanskje det er hjertet, Anders Totland: Engel i snøen og Veronica Salinas: OG.
Artikkelen startar slik: «Hva slags litteratur skriver man for unge mennesker som er i ferd med å slutte å leke? Seks av vårens norske barne- og ungdomsbøker gir realitetsorienterte, men deprimerende svar på dette spørsmålet.»
Teksten «Meg Rosoff – Total empati» er skriven av barne-og ungdomsbokforfattaren Heidi Sævareid. Ho omtaler tre bøker av Rosoff, som trass i ALMA-prisen er nærmast ukjent for norske lesarar. Bøkene er debutboka «How I Live Now» («Slik har jeg det nå», den einaste av bøkene som er omsett til norsk), «There Is No Dog» og «Picture Me Gone». Den siste skal etter planen koma på norsk i 2017.
Sævareid går grundig inn på tema og innhald i dei tre bøkene. Om Meg Rosoff som menneskekjennar skriv ho: «Et av Meg Rosoffs fremste kjennetegn er hennes store empati. Som det heter i ALMA-begrunnelsen: I likhet med Astrid Lindgren är Rosoffs empati för och lojalitet med unga fullständig. Dette er sant, med det er viktig å merke seg at dette ikke skjer på bekostning av voksne. Mer dekkende ville det vel være å si at Rosoffs empati er total – punktum. I mange barne- og ungdomsbøker finnes det en nærmest parodisk devaluering av voksensfæren, der de voksne fremstilles som antagonister som nådeløst må stilles til veggs. Også voksenskikkelsene skidres med innlevelse og medfølelse, feil og manglar til tross.»
Det første nummeret av avisa inneheld både litteraturkritikk, essays og anna stoff, og er på i alt 48 sider. Redaktørar for BLA er Gabriel Michael Vosgraff Moro og Brynjulf Jung Tjønn, og avisa blir utgjeven av Bokvennen Forlag. Fleire av bidragsytarane er barne- og ungdomsbokforfattarar.
Det er mogleg å abonnere på avisa, Abonnementservice, tlf 67 21 79 71, bokvennen@aboservice.no, Bokvennen, Postboks 163, 1319 Bekkestua.