av Arnt Birkedal
MORGONVERS
Og når draumesletta slepper
ligg ein draumeslant på puta di
Og når draumesletta glepper
klirrar draumepant mot ruta di
Og når draumesletta lettar
knasar draumesnø på puta di
Og når draumesletta slettar
slår ein draumesjø mot ruta di
EG SOVNA ETTER MATEN
Eg sovna etter maten,
det var smør med dill og torsk,
eg var sånn etter måten
ekstra staut og dorsk.
Eg vakna seint men sikkert,
eg såg dei først med kikkert,
dei tala fjerne tunger,
det var slettes ikkje norsk:
Dei tala rindi pindi,
dei tala faltu raltu,
dei tala mucho mungo,
før dei braut på stille svorsk.