«Kvalvaag skapar stor litteratur når ho skildrar det kvardagslege ferielivet. I hennar blikk for detaljar, gjennom dei elegante formuleringane, oppstår ein nærleik som gjer at lesaren blir trekt inn i handlinga», heiter det mellom anna i grunngjevinga til juryen.
For ungdomsbøkene sine har Kvalvaag mottatt både prisar og lovord, og med «Skagerrak» skreiv ho seg ifølgje juryen inn blant dei beste vaksenbokforfattarane.

I «Skagerrak» (2008) følgjer vi to norske familiar på ferie i Danmark. Hovudpersonen Siv er i ei kjenslemessig krise i forhold til mannen sin, og sommaridyllen står i skarp kontrast til alt som er i ferd med å rakne.



I juryen sit Arnfinn Kolerud, Erna Osland og David Aasen. Prisen er på 25 000 kroner.
NBU gratulerar!