Forfattar Laila Stien blir æresdoktor. Laila blir rekna som ei av landets fremste novelleforfattarar og er ein stor bidragsytar for nordnorsk og samisk litteratur.

Stien blir æresdoktor saman med bergensaren Trond Mohn, som har gjeve over 700 millionar i pengegåver til ulike formål innan utdanning, forsking og idrett, og amerikaneren Oran R. Young, som er ein stor forkjempar for arktiske område.

Laila Stien er fødd i Nordland, og har budd mange år i Finnmark. Ho debuterte med novellesamlinga Nyveien i 1979, og har sidan gjeve ut fleire novellesamlingar, romanar og diktsamlingar for vaksne, barn og unge. Ein av prisane ho har fått, er Kritikarprisen for beste barne- og ungdomsbok i 1993.

Ho har også seti i styret i NBU.

«Æresdoktorat kan tildeles en person uten avhandling eller disputas, på bakgrunn av personens betydningsfulle vitenskapelige innsats eller fremdragende arbeid til gagn for vitenskapen, eller kvaliteter eller innsats av betydning for universitetssamfunnet,» skriv UiT i ei pressemelding.

Dei tre som nå er utnemnt, vil motta diplomane sine i Tromsø 26. mars.