Denne boka passar for deg som vil lesa fantasifulle dikt frå den grøne skogen.
Tittel: Skogen den grøne
Forfattar: Ruth Lillegraven
Illustratør: Mari Kanstad Johnsen
Forlag: Det Norske Samlaget, 2018
Sidetal: 61
Sjanger: Dikt for barn
Kort om handlinga:
Kva skjer når eit barn følgjer ein kviskrande sti inn i skogen den grøne? Korleis kan ei bjørk likne ei jente som prøver å riste vatn ut av håret? Og kva med skodda som kjem som huldrepust? Og elgen som flyt i det botnlause tjernet, søkk han heilt ned til Kina?
Som i den Bragepris-nominerte diktsamlinga Eg er eg er eg er skriv Ruth Lillegraven med finkjensle for dei små detaljane. I Skogen den grøne følgjer vi eit barns undrande blikk på det som lever og hender i naturen rundt oss. Lillegraven tek den unge lesaren med inn i skogen – og inn i poesien.
Tekstutdrag:
høyr!
kviskrar stien
hausten spring
gjennom skogen
stel sommaren
og kjem med
vinteren
og sjå!
gule lauv ligg og
lyser på bakken
det er gullmyntar
som hausten har
strøydd ut
Tre rosande superlativ: Underfundig, fantasifull og vakker!
Ruth Lillegraven (f. 1978) frå Granvin vann Brageprisen 2013 for diktsamlinga Urd. For den første diktsamlinga si for barn, Eg er eg er eg er (2016), blei ho nominert til både Brageprisen og Kritikarprisen.
Mari Kanstad Johnsen (f. 1981) er ein kritikarrost illustratør og forfattar. Ho har vunne mange prisar for bøkene sine.
Lenke til boka på forlagets heimeside: Samlaget