– Dei fem nominerte bøkene er ulike i både skrivestil og tematikk, og dei vender seg til ulike lesarar. Det seier prosjektansvarleg for Uprisen i Foreningen !les, Petra Helgesen, som synest nominasjonsjuryen har gjort ein veldig god jobb.
Foto: Uprisen/Foreningen !les
Og dei nominerte er:
Gulraiz Sharif: Hør her’a (Cappelen Damm)
Peter F. Strassegger: Aleksander den store (Samlaget)
Michael Stilson: Alene gjennom (Cappelen Damm)
Anne Gunn Halvorsen og Randi Fuglehaug: Arvingen (Aschehoug)
Nina Borge: Utbryterne (Gyldendal)
Nominasjonsjuryen har bestått av:
Amalie Njerve Wilkensen, Grim ungdomsskole (Agder)
Miriam Fauske, Tæruddalen ungdomsskole (Viken)
Oddvar Sie, Luster ungdomsskule (Vestland)
Vera Gjønnes, Sagene ungdomsskole (Oslo)
Anna Gjems French, Åmot ungdomsskole (Innlandet)
Om Uprisen
Uprisen er ungdommens eiga kåring av årets beste norske ungdomsbok. Det er Foreningen !les som står bak, og kvart år deltar rundt 1000 ungdomsskuleelevar i kåringa, som fungerer slik: Ungdomsskuleelevar registrerer seg på uprisen.no og melder årets ungdomsbøker. Når året er slutt, les ein ungdomsjury alle bokmeldingane og vel ut fem bøker som går vidare til ein finale. Utvalet deira er basert på bokmeldingane, ikkje på bøkene.
Utover våren, derimot, er det bøkene som blir vurderte. Dei fem nominerte bøkene blir nå sendt til juryklasser over heile landet, som skal lese og diskutere bøkene før dei kårar sin favoritt. Vinnaren blir avslørt under Litteraturfestivalen på Lillehammer i mai.
Fjorårets prisvinnar Neda Alaei tar imot prisen på Lillehammer 24. september 2020. Ho vann Uprisen for debutromanen Dette er ikke oss. Foto: skjermdump frå overføringa på Youtube