Peri og Peti er to små vener som vågar seg ut i verda for å oppleve luktene og lydane der. Men brått blir det skummelt! Då gjeld det å kome seg fort bort.
Helga Gunerius Eriksen har skrive og sydd denne store, vesle forteljinga om Peri og Peti. Originalmanuset er store og fargerike broderi for kvart oppslag, det er ei bok av få ord, men ho er raus med knappar, fjør, paljettar og blonder. Ei bildebok for folk i alle aldrar.
Forlaget kallar det ei enkel bok om store ting, og forfattaren lovar fleire bøker i serien.